Натиҷагирӣ аз чорабинии байналмилалии “Шабе дар Осорхона – 2022”

Рӯзи 31.05.2022 дар Муассисаи давлатии “Осорхонаи миллӣ” аз чорабинии байналмилалии “Шабе дар Осорхона – 2022”, ки санаи 18.05.2022 бахшида ба Рӯзи байналмилалии осорхонаҳо баргузор гардида буд, натиҷагирӣ карда шуд.

Дар доираи он сарпарасти кулл, сарпарасти расмӣ ва шарикони чорабинӣ, ғолибони бозии “Квест” оид ба таърихи дирӯзу имрӯзи миллати тоҷик, сафоратхонаҳои муқими шаҳри Душанбе, муассисаҳои таҳсилоти миёна ва олии касбӣ, инчунин як қатор кормандони ВАО-и ҷумҳурӣ аз ҷумла намояндагони телевизионҳо ва радиоҳо барои тарғибу ташвиқи самтҳои гуногуни фаъолияти осорхонавӣ ва дар сатҳи шоиста муаррифӣ намудани мероси таърихию фарҳангии миллии тоҷикон бо “Сипоснома”-и Муассисаи давлатии “Осорхонаи миллӣ” қадрдонӣ шуданд.

Маврид ба зикр аст, ки соли 2-юм мебошад, ки зиёда аз 10 ҳазор тамошобинон аз барномаҳои гуногуни фарҳангӣ-фароғатии чорабинии байналмилалии “Шабе дар Осорхона” дидан менамоянд.