Экскурсия – шакли асосии фаъолияти оммавии осорхона буда, ба воситаи он фаъолияти пурсамари кормандони осорхона, ки дар экспозитсия пешкаш шудааст, пурратар муаррифӣ мегардад.
Дар Осорхонаи миллӣ тамошобинон имкон доранд ба воситаи экскурсия оид ба таърихи куҳану фарҳанги пурғановат, табиати нотакрор, навъҳои гуногуни ҳунарҳои мардумӣ ва умуман бо тарзи зисту зиндагонӣ, анъана, урфу одат, қаҳрамонию ҷонисориҳои фарзандони миллати тоҷик ва саҳми онҳо дар рушду равнақи соҳаҳои гуногун дар минтақа ва арсаи байналмилалӣ, инчунин дастовардҳои замони Истиқлоли давлатии Ҷумҳурии Тоҷикистон ҷаҳони маънавии хешро ғанӣ намоянд.
Тамошобинон дар соли 2022 – 99 397 нафарро ташкил дода, аз ҷумла 4 527 нафар хориҷӣ мебошанд.
Дар соли 2022 роҳбаладони Осорхонаи миллӣ бо забонҳои тоҷикӣ, русӣ, англисӣ, арабӣ, олмонӣ, фаронсавӣ, ҳиндӣ ва урду ба 17 006 нафар тамошобинон (13 769 дохилӣ, 3237 хориҷӣ) 2021 экскурсия (1 022 экскурсияи дохилӣ, 999 экскурсияи хориҷӣ) доир намудаанд, ки ин нишондод нисбат ба ҳамин давраи соли гузашта 270 экскурсия ва 4 188 нафар тамошобин зиёд мебошад.
Дар соли 2022 намояндагони 47 кишвари олам аз толорҳои намоишии Осорхонаи миллӣ дидан намудаанд.