“Паём – дастур ва роҳнамои ояндасоз”
Санаи 11.01.2019 бо мақсади омӯзиш ва натиҷагирӣ аз нуқтаҳои муҳими Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки санаи 26 декабри соли 2018 иҷро гардида буд, миёни кормандони Муассисаи давлатии “Осорхонаи миллии Тоҷикистон” ҷаласаи васеъ таҳти унвони “Паём – дастур ва роҳнамои ояндасоз” баргузор гардид.
Дар оғози кори ҷаласа директори Осорхонаи миллии Тоҷикистон муҳтарам Шарифзода Абдувалӣ ба сухан баромада иброз намуданд, ки Паёми навбатии Пешвои миллат ҳамчун роҳнамо ва дастури амиқу дақиқ барои фаъолияти ҳар як шаҳрванди кишвар баҳри ободонӣ, рушду пешрафт ва шукуфоии ҷумҳурии азизамон нақши муҳимро мебозад.
Ҳамчунин дар давоми ҷаласа сардорони шуъбаҳо ва дигар ходимони илмии Осорхона андешаву бардоштҳои хешро аз Паём иброз дошта, таъкид намуданд, ки баҳри амалӣ намудани бандҳои асосии Паёми Сарвари давлат тамоми саъю кӯшиши худро ба харҷ медиҳанд.
Дар охир ҳамчунин филми ҳуҷҷатии «Марди роҳ», ки ба ҳаёт ва фаъолияти ибратбахши Пешвои миллат муҳтарам Эмомалӣ Раҳмон бахшида шудааст, аҳли кормандон якҷоя тамошо намуданд.
