Саразм – ёдгории қадимаи тоҷикон

Имрӯз бо иштироки роҳбаладон ва дигар кормандони илмии Осорхонаи миллӣ экскурсияи мавзӯӣ баргузор гардид, ки он марбут ба ёдгории “Саразм” буд. Зеро, Саразм – ёдгории қадимаи тоҷикон буда, дар самти муаррифии таъриху фарҳанги миллати тоҷик нақши муассир дорад.

Маврид ба зикр аст, ки дар Осорхонаи миллӣ яке аз самтҳои асосии фаъолияти шуъбаҳои экспозитсионӣ доир намудани экскурсияҳои мавзӯӣ мебошад. Дар ин замина, аз ҷониби сармутахассиси шуъбаи таърихи бостон ва асрҳои миёна Набиева Қурбонбӣ экскурсияи мавзӯӣ оид ба ёдгории “Саразм” баргузор гардид.

Ин тадбир имкон медиҳад, то савияи дониши роҳбаладон баланд гардида, таърихи куҳан ва фарҳанги пурғановати тоҷикон ба тамошобинони дохилӣ ва меҳмонону сайёҳони хориҷӣ беҳтару хубтар муаррифӣ карда шавад.