Муаррифии ёдгориҳои Осорхонаи миллии Тоҷикистон дар …

Муаррифии ёдгориҳои Осорхонаи миллии Тоҷикистон дар намоиши байналмилалии “Мероси фарҳангии осорхонаҳои миллии давлатҳои узви Созмони Ҳамкории Шанхай” дар Осорхонаи миллии Хитой

Дар арафаи баргузории ҷаласаи Созмони Ҳамкории Шанхай, Муассисаи давлатии “Осорхонаи миллӣ”-и Дастгоҳи иҷроияи Президенти Ҷумҳурии Тоҷикистон дар Осорхонаи миллии Ҷумҳурии Халқии Чин дар намоиши ҷашнӣ иштирок намуд.
24 адади осори пешниҳоднамудаи Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон барои намоиши «Мероси фарҳангии осорхонаҳои миллии давлатҳои узви Созмони Ҳамкории Шанхай» беназир буда, аз асрҳои V–IV то милод то асри XX-ро фаро мегиранд.
Қадимтарин экспонати қисми гӯшаи Тоҷикистон ҷузъи тахт дар шакли сари гӯсфанди кӯҳӣ мебошад, ки дар ёдгории Исфарасой шаҳри Конибодом ёфт шудааст ва ба асри V то милод тааллуқ дорад. Миҷмар (курилница) бо тасвири Буддо, ки ба давраи давлатдории Кушониён (асрҳои I–IV милодӣ) тааллуқ дорад, фарҳанги қадим ва таҳаммулпазирии халқро таҷассум менамояд.
Ёдгории Панҷакенти қадим (асрҳои V–VII милодӣ), ки дар ҷаҳон ҳамчун «Помпеи Шарқ» маъруф аст, ба мисоли мӯҳр ва санге бо катибаи суғдӣ дохил мешаванд. Кӯзаву зарфҳои сафолӣ ва мисӣ бо катибаҳо, авҷи аълои ҳунарҳои мардумӣ дар «асри тиллоӣ» — давраи Сомониён (асрҳои IX–X милодӣ) дарак медиҳанд. Ҳамчунин дар намоиш намунаҳои ашёи мисӣ, аз қабили кӯза ва дастшуйҳо бо тасвирҳои оҳу, ба маърази тамошо гузошта шудаанд. Қаламдонҳо низ дорои пандҳои ахлоқӣ мебошанд. Намунаҳои асбобҳои мусиқӣ, ки дар ин намоиш пешкаш шудаанд, маҳорати баланди санъати мусиқии тоҷикро нишон медиҳанд.
Боиси қайд аст, ки намоиши мазкур то санаи 16-уми ноябри соли 2025 идома хоҳад ёфт.